شادی ہالز اورریسٹورنٹس کورونا کے پھیلاﺅ کے بڑے مرکز 1,007

شادی ہالز اورریسٹورنٹس کورونا کے پھیلاﺅ کے بڑے مرکز


Sandbach وفاقی وزیر اسد عمر نے کہا ہے کہ شادی ہالز اور ریسٹورنٹس کورونا کے پھیلاﺅ کے بڑے مرکز بن رہے ہیں وفاقی وزیراسد عمر کی زیرصدارت نیشنل کمانڈ اینڈ آپریشن سینٹر (این سی او سی) کا اجلاس ہوا جس میں این سی اوسی کو ملک بھر میں کورونا کے پھیلاﺅ سے متعلق آگاہ کیا گیا. اجلاس کو دی گئی بریفنگ میں کہا گیا کہ سماجی فاصلے پرعملدرآمد نہ ہونے سے کورونا دوبارہ پھیل رہا ہے اس موقع پر وفاقی وزیر اسد عمر نے کہا کہ بیماریوں کے پھیلاﺅ کو روکنے کے لیے اقدامات انتہائی ضروری ہیں اور ماسک کا استعمال کورونا کے پھیلاﺅ کو روکنے میں سب سے اہم ہے.انہوں نے کہا کہ کورونا ایس او پیز پرعملدرآمد کرنے سے موسم سرما میں کورونا کے پھیلاﺅکو روکا جا سکتا ہے شادی ہالز اور ریسٹورنٹس کورونا کے پھیلاﺅ کے بڑے مرکز بن رہے ہیں این سی او سی کی جانب سے کورونا ایس او پیز پرعملدآرمد کرنے پر تعلیمی اداروں کی تعریف کی گئی. یاد رہے کہ آج بھی پاکستان میں کورونا وائرس کی وجہ سے چار افراد موت کے منہ میں چلے گئے ہیں‘نیشنل کمانڈ اینڈ آپریشن سینٹر کے مطابق ملک بھر میں کورونا کے644نئے کیسزرپورٹ ہوئے اور متاثرہ افراد کی مجموعی تعداد3 لاکھ15ہزار260 تک پہنچ گئی ہے.گزشتہ 24 گھنٹے کے دوران 375 کورونا مریض صحت یاب ہوئے اورشفایاب افراد کی مجموعی تعداد2 لاکھ 98 ہزار 968 ہوگئی ملک بھر میں کورونا ایکٹیو کیسز کی تعداد 9ہزار135 ہے اسلام آباد میں کورونا کیسز کی تعداد 16 ہزار766 ہو گئی ہے. پنجاب 99 ہزار 812، سندھ میں ایک لاکھ 38 ہزار 50، خیبرپختونخوا میں 37 ہزار 973، بلوچستان میں 15 ہزار 371، گلگت بلتستان میں 3 ہزار 828 اور آزاد کشمیر میں 2 ہزار 816 کیسز رپورٹ ہوئے ہیں.واضح رہے کہ کورونا وائرس سے دنیا بھر میں 3 کروڑ 54 لاکھ 17 ہزار 862 افراد متاثر اور 10 لاکھ 42 ہزار 10 افراد ہلاک ہو چکے ہیں کورونا سے صحت یاب افراد کی تعداد 2 کروڑ 66 لاکھ 35 ہزار 29 ہوگئی ہے اور76 لاکھ 40 ہزار 823 ایکٹیو کیسزہیں. امریکہ کورونا وائرس سے متاثر ہونے والے ممالک میں پہلے نمبر پر ہے جہاں 2 لاکھ 14 ہزار611 افراد جان کی بازی ہار چکے ہیں اور 76 لاکھ 36 ہزار912 افراد میں کورونا وائرس کی تشخیص ہوئی بھارت کورونا کیسز کے اعتبار سے دنیا میں دوسرے نمبر پر ہے جہاں66 لاکھ 23 ہزار افراد میں کورونا وائرس کی تشخیص ہوئی ایک لاکھ 2 ہزار 714 اموات ہوئی ہیں.برازیل کورونا سے متاثرہونے والے ممالک میں تیسرے نمبر پر ہے جہاں 49 لاکھ 15 ہزار289 افراد متاثر ہوئے اور ایک لاکھ 46 ہزار375 اموات ہوئی ہیں روس میں 12 لاکھ 25 ہزار سے زائد افراد کورونا وائرس سے متاثر ہو چکے ہیں اور اموات کی مجموعی تعداد 21 ہزار 475 ہو گئی ہے. کولمبیا کورونا وائرس سے متاثر ہونے والے ممالک میں پانچویں نمبر پر ہے جہاں 26 ہزار712 اموات ہوئی ہیں جبکہ 8 لاکھ 55 ہزار سے زائد کیسز رپورٹ ہوئے ہیں پیرو میں بھی 8 لاکھ 28 ہزار سے زائد افراد متاثر ہو چکے ہیں جبکہ 32 ہزار742 افراد جان کی بازی ہار چکے ہیں اسپین میں 8 لاکھ 10 ہزارسے زائد افراد متاثر ہیں اور 32 ہزار86 اموات ہوئی ہیں.

50% LikesVS
50% Dislikes

اس خبر پر اپنی رائے کا اظہار کریں

اپنا تبصرہ بھیجیں

Nagold

Nakhon Phanom